Францыя, Германія, Італія і Румынія падтрымалі прадастаўленне Украіне статусу кандыдата ў члены ЕС

Францыя, Італія, Германія і Румынія падтрымліваюць неадкладнае прадастаўленне Украіне статусу кандыдата ў члены Еўрапейскага Саюза. Пра гэта сказаў прэзідэнт Францыі Эманюэль Макрон у Кіеве падчас прэс-канферэнцыі па выніках сустрэчы з прэзідэнтам Украіны Уладзімірам Зяленскім, канцлерам Германіі Олафам Шольцам, прэм'ер-міністрам Італіі Марыё Драгі і прэзідэнтам Румыніі Клаўсам Ёханісам, піша hromadske.ua.

«Усе чацвёра з нас падтрымліваюць неадкладны статус кандыдата ў члены. Гэты статус будзе суправаджацца дарожнай картай, а таксама ўтрымліваць пад увагу сітуацыі на Балканах і прылеглых тэрыторыях, у прыватнасці ў Малдове», — сказаў Макрон.

Таксама падтрымку кандыдацтва для Украіны пацвердзіў прэм'ер-міністр Італіі Марыё Драгі. «Сёння самае важнае пасланне нашага візіту ў тым, што Італія хоча бачыць Украіну ў Еўрапейскім Саюзе», — сказаў ён.

Нагадаем, лідары гэтых чатырох краін сёння, 16 чэрвеня, прыехалі ва Украіну, у прыватнасці ў Ірпень, а таксама сустрэліся з прэзідэнтам Уладзімірам Зяленскім у Кіеве.