Амерыканскі суд упершыню прызнаў за шымпанзэ правы чалавека

Амерыканскі суд упершыню ў гісторыі прызнаў за шымпанзэ некаторыя правы, якія да гэтага часу належалі толькі чалавеку, паведамляе newsru.com.



Двум прыматам, Леа і Геркулесу, якія ў цяперашні час выкарыстоўваюцца для правядзення медыка-біялагічных эксперыментаў ва Універсітэце Стоўн-Брук на Лонг-Айлендзе, было гарантавана права на асабістую свабоду, такім чынам, іх утрыманне ў няволі становіцца незаконным.

Абаронцы чалавекападобных малпаў настойваюць, што гэтыя жывёлы валодаюць высокім інтэлектам і ўсведамляюць сябе як асобу, здольныя перажываць складаныя эмоцыі і заслугоўваюць базавыя правы, у тым ліку права на свабоду ад негуманнага абыходжання.

Яшчэ ў 2008 годзе іспанскі парламент надзяліў чалавекападобных малпаў правамі чалавека. Гаворка ідзе пра арангутанаў, гарыл і шымпанзэ. Гэта быў першы выпадак у сусветнай практыцы, калі такія правы афіцыйна прызнаваліся за жывёламі.

"Прызнанне за чалавекападобнымі падобных правоў ахавае іх ад медыцынскіх эксперыментаў, куплі-продажу, утрымання ў цесных клетках у заапарках і забяспечыць ім годнае існаванне", — растлумачылі ініцыятары закона.

У далейшых іх планах было пазначана ўнясенне змяненняў у дзеючае заканадаўства, каб забараніць эксперыменты на малпах у Іспаніі. Выкарыстанне малп у цыркавых праграмах, тэлевізійнай рэкламе і кіназдымках таксама будзе забаронена, а парушэнне новага закона будзе лічыцца адміністрацыйным правапарушэннем.