Пяць доўгачаканых фільмаў лета: што паглядзець?

Вэстэрн Кевіна Костнэра, прыквэл фантастычнага баявіка, камедыя з Уілам Смітам, мульцік пра Гарфілда і другая частка анімацыйнага хіта — што паглядзець у кіно летам, расказвае MyFin.by.

Для аматараў кіно расказваем пра самыя цікавыя навінкі. У пачатку летніх канікул у пракаце з'явяцца два мультфільмы. У кожным гледачы сустрэнуцца з ужо ўпадабанымі персанажамі. Гісторыя пра рудога ката Гарфілда атрымае новае прачытанне, а да кампаніі з «Галаваломкі» дададуцца эмоцыі, за якімі будзе цікава назіраць не толькі дзецям. Для дарослых гледачоў — вестэрн, камедыйны баявік і постапакаліптычная фантастыка. Усе пералічаныя прэм'еры аб'ядноўвае высокі рэйтынг чакання.

«Гарфілд»

Краіны: ЗША, Вялікабрытанія, Ганконг.

Жанр: мультфільм, сямейны.

Мультфільм распавядае асобную гісторыю, якая не звязаная з папярэднімі экранізацыямі. Аматар італьянскай кухні па-ранейшаму не прызнае панядзелкі і гатовы адправіцца ў новыя прыгоды. Яго напарнікам стане сабака Адзі, а дзеянне разгорнецца далёка за межамі ўтульнай ляжанкі і міскі з кормам.

Кот Гарфілд — персанаж, які сышоў са старонак коміксаў. Першы выпуск пабачыў свет яшчэ ў 70-х гадах мінулага стагоддзя. З тых часоў на вялікім экране з'явіліся мультсерыялы, мультфільмы і два поўнаметражных фільма пра рудога гарэзу. Ствараліся нават відэагульні, заснаваныя на гісторыі жыцця пушысціка.

Як расійскія серыялы ўплываюць на свядомасць беларусаў

«Фурыоса: Хронікі Вар'яцкага Макса»

Краіна: Аўстралія.

Жанр: фантастыка, баявік.

Прыквел ўпадабанага многімі фільма «Вар'яцкі Макс: Дарога лютасці». Над карцінай зноў працаваў рэжысёр Джордж Мілер, таму гісторыя абяцае быць не менш цікавай. У цэнтры апавядання —сюжэтная лінія яшчэ юнай Фурыосы ў выкананні Ані Тэйлар-Джой. У фільме 2015 года гераіню згуляла Шарліз Тэрон. Цікава, што ў галоўнай гераіні за ўвесь фільм усяго 30 радкоў дыялогаў. Чаму? На думку рэжысёра, яны запавольваюць ход карціны.

Новая гісторыя зноў адправіць гледачоў у свет, які перажыў ядзерную катастрофу, і раскажа пра тое, як Фурыоса толькі пачынае свой шлях: ад скрадзенага з сям'і падлетка да бясстрашнай ваяўніцы.

«Дрэнныя хлопцы да канца»

Краіна: ЗША

Жанр: баявік, камедыя, крымінал

Уіл Сміт і Марцін Лоўрэнс у чацвёрты раз паўстаюць перад гледачамі ў ролі копаў-напарнікаў з Маямі. Паліцыянтам трэба будзе раскрыць чарговую справу. Серыя фільмаў напоўнена яркай сумессю гумару і экшэна. Гэтага ж можна чакаць і ад новай часткі.

«Галаваломка-2»

Краіны: ЗША, Японія

Жанр: мультфільм, сямейны

Працяг аскараноснага анімацыйнага хіта 2015 года. Пасталелая гераіня Райлі сутыкаецца з новымі эмоцыямі, сярод якіх трывожнасць, зайздрасць, хандра, сорам і настальгія. Студыя Pixar зноў робіць высокую стаўку на якасную прамалёўку персанажаў, павучальныя матывы і камічныя сітуацыі. Бацькі не засумуюць, склаўшы кампанію сваім дзецям падчас сеансу, таму што на экране часта будуць пазнаваць сябе і свае эмоцыі.

У ЗША пакажуць беларускі фільм, у цэнтры сюжэта гісторыя Кацярыны Андрэевай і Ігара Ільяша

«Гарызонты: Частка 1»

Краіна: ЗША

Жанр: вестэрн, драма

Праз 20 гадоў Кевін Костнэр вяртаецца ў рэжысуру з амбіцыйнымі планамі па адраджэнні падзабытага усімі жанру «вестэрн». У лепшых традыцыях падобных карцін дзеянне адбываецца на амерыканскім Дзікім Захадзе ў другой палове XIX стагоддзя. Галоўным героям трэба будзе пераадолець далёкі шлях, асвоіць новыя землі і перамагчы ў сутычцы з індзейцамі.

У новым праекце Кевін Костнэр не абмежаваўся рэжысёрскімі функцыямі — ён таксама сыграў галоўную ролю і прыклаў руку да стварэння сцэнара. Пры гэтым трохгадзіннае палатно — толькі пачатак яго грандыёзнай задумы: другая частка фільма чакаецца ў жніўні 2024 года.

Топ-10 фільмаў Аль Пачына