Увечары гродзенца не прынялі ў шпіталі, а нараніцу ён памёр

На тэрыторыі Гродзенскага абласнога цэнтра «Псіхіятрыя-наркалогія» сёння раніцай знайшлі мужчыну без прыкмет жыцця.

Як паведаміў галоўны ўрач Гродзенскага абласнога цэнтра «Псіхіятрыя-наркалогія» Максім Варонка, учора ўвечары мужчына звярнуўся ў прыёмны пакой бальніцы.
— Стан пацыента пагрозы жыццю не ўяўляў. Яму было прапанавана прайсці паўторны агляд раніцай наступнага дня для вырашэння пытання аб далейшым лячэнні, — распавёў Максім Варонка.
Раніцай цела мужчыны знайшоў адзін з кіроўцаў, які прыбыў у медустанову на перадрэйсавы медагляд.
— Пры паступленні да нас напярэдадні ніякіх пашкоджанняў у яго на целе не было, — паведаміў Максім Варонка.
Абставіны здарэння высвятляюць праваахоўнікі.
grodnonews.by