Спантанная акцыя за мір на школьнай лінейцы. Дзяўчыну затрымалі

У Наваполацку падчас выступлення падлеткаў у ваеннай форме на школьнай лінейцы дзяўчына правяла антываенную акцыю — яе затрымала міліцыя, паведамляюць праваабаронцы.

1 верасня падчас лінейкі ў гімназіі №1 горада Наваполацк было выступленне людзей у вайсковай форме. Гучалі стрэлы.

Адна дзяўчына ў сярэдзіне выступлення выйшла з антываеннай акцыяй — яна стала перад імі і паказала знак V.

Відэа акцыі апублікаваў ютуб-канал stranaforlife.

Да яе падышлі супрацоўнікі школы, а потым і міліцыянер, які павёў дзяўчыну ў невядомым напрамку.

Дзяўчына сыходзіла пад апладысменты людзей.