Лідар гурта «Дай Дарогу!» Юрый Стыльскі з'ехаў з Беларусі

Юрый Стыльскі з гурта «Дай дарогу!» пакінуў Беларусь. Цяпер ён знаходзіцца ў бяспецы.

5 жніўня ў Ленінскім судзе Брэста прайшоў суд аб прызнанні экстрэмісцкім матэрыялам кліпа на песню «Баю-бай». Стыльскі на гэты суд не з'явіўся — яго прадстаўляў адвакат, адзначае «Еўрарадыё».

Пазоў на песню падаў ГУБАЗіК МУС. Міліцыянтам не спадабаліся іх вобразы ў кліпе, і яны вырашылі, што ён «зняты з мэтай дыскрэдытацыі работнікаў сілавых структураў».