«Якія самазабойцы туды паедуць?» Беларускім студэнтам прапануюць паехаць у Сірыю

У сацыяльных сетках БДУ з'явілася паведамленне, якое некаторым студэнтам здалося як мінімум дзіўным: ім прапануюць паехаць на вучобу ў Сірыю. «Пагадненне паміж Беларуссю і Сірыяй аб супрацоўніцтве было падпісана ў 2019 годзе. Штогод яно дазваляе выдзяляць 15 месцаў для навучання беларускіх грамадзян: 10 месцаў для навучання ў магістратуры і аспірантуры, 5 месцаў для навучання ў дактарантуры або для стажыроўкі. Навучанне бясплатнае. Таксама Сірыя забяспечвае выплату стыпендый і медыцынскае абслугоўванне», — гаворыцца ў пасце.

У каментарах да публікацыі студэнты, як распавядае «Анлайнер», сталі жартаваць над такой незвычайнай прапановай:

«Якія самазабойцы з ліку звычайных студэнтаў туды паедуць. Асабліва мне спадабаўся пасаж пра забеспячэнне Сірыяй медыцыны — на выпадак адрыву галавы ад прыгажосцяў Дамаска... Смех як ахоўная рэакцыя, каб не плакаць».

«Патрабую выпуск брэндаваных баявых ўзбраенняў у сувязі з гэтым».

«Гэта нешта на ўзроўні канікул у Чачні, нават лепш».

Пакуль нам не ўдалося высветліць, ці адпраўляліся нашы студэнты ў Сірыю да гэтага. У БДУ паабяцалі адказаць на пытанні ў панядзелак.

Для даведкі: у 2011 годзе ў Сірыі пачалося лакальнае паўстанне, якое з часам перарасло ў грамадзянскую вайну, якая працягваецца і сёння. У канфлікт з часам аказаліся ўцягнутыя не толькі асноўныя дзяржавы рэгіёна, але і міжнародныя арганізацыі, ваенна-палітычныя групоўкі і сусветныя дзяржавы.