Да канца лета ў Курапатах усталююць 60 металічных крыжоў

Грамадства

На новыя крыжы ў Курапатах сабралі больш за 5 тысяч рублёў. Чаму збор грошай заканчваюць на наступным тыдні і дзе будуць усталяваныя крыжы, «Свабодзе» распавёў Алесь Чахольскі, кіраўнік грамадзкай дырэкцыі Народнага мэмарыялу Курапаты.

gi_23142_116173_big.jpg


5132 рублі на рэканструкцыю крыжоў у Курапатах сабрана на краўдфандынгавай пляцоўцы Талака. Першапачаткова на праект задумвалі сабраць 10 тысяч рублёў. Але ўжо на наступным тыдні збор грошай можа быць скончаны.
Як патлумачыў Алесь Чахольскі, ён наўмысна спыняе збор грошай. Прычына — у падатковым заканадаўстве. Як даведаўся Чахольскі, яму давядзецца плаціць падатак за ахвяраванні, якія перабольшаць 5 550 рублёў.

Я не магу аддаць гэтаму рэжыму людзкія сродкі, якія ахвяруюць на святую справу. За што? Я ж не бяру грошы ў сваю кішэню, — сказаў Чахольскі. — Я звяртаюся да ўсіх. Давайце цягам тыдня дазбіраем гэтыя 400 рублёў, каб я зачыніў праект. Працягнем у наступным годзе.


Збор сродкаў на новыя крыжы пачалі яшчэ ў сакавіку 2017 года — падчас абароны Курапатаў. Сабраных на сёньня ахвяраваньняў хопіць на 60 мэталічных крыжоў.

Алесь Чахольскі 

Алесь Чахольскі 


Мы зараз прыступаем да тэхнічнага выкананьня гэтага праекту, — кажа Чахольскі. — На працягу месяца-паўтара мы гэта ўсё зробім.


Новыя крыжы паставяць па перымэтры Курапатаў. З боку мінскай кальцавой аўтадарогі ўжо стаіць 12 чатырохмэтровых мэталічных крыжоў. Імі замяняюць старыя драўляныя крыжы.

Яны будуць стаяць не адзін дзясятак год, — кажа Чахольскі. — Мы замяняем драўляныя крыжы, якія падгнілі. Але мы іх ніколі не выкідаем. Мы іх трошкі падрэжам і перанясем углыб на магілы. Усё робіцца рацыянальна.


 Як раней распавядаў  Алесь Чахольскі, за апошнія дзесяцігоддзі беларусы ахвяравалі тысячы даляраў на крыжы ў Курапатах. Грошы збіралі на акцыях па ўсёй Белаурсі. Але такога публічнага праекту, што зладжаны на платформе Талака, раней не было.

Збор грошай упершыню праводзіцца публічна, — кажа Чахольскі. — Але мы заўжды ўлічваем сабраныя грошы. У нас працуе камісія, якая лічыць кожную капейку, складае акты.


kurapaty___01.jpg

Што да плану ўладаў, каб стварыць у Курапатах мемарыял, Чахольскі ўжо тлумачыў сваю пазіцыю.

У нас ёсць канцэпцыя Народнага мемарыялу, якая рэалізоўваецца на працягу не аднаго дзясятку гадоў. Гэта крыжы, Народны мэмарыял на самой тэрыторыі Курапат, дзе магілы — 23 гектары. Уся астатняя мэмарыялізацыя павінна адбывацца на полі з боку „Экспабелу“, там павінен быць музей і сцяна Памяці. Каб мемарыялізацыя адбылася, трэба вярнуць ахоўныя зоны, які даўно ўжо распрацавалі.


Радыё Свабода