Бясплатны анлайн-курс беларускай мовы ад Андруся Такінданга і Аляксея Шэіна

З'явіўся бясплатны анлайн-курс па вывучэнні беларускай мовы.

Грамадская кампанія "Годна" распачала моўнае шоу "Гоман". Яго вядоўцы — Андрусь Такінданг і Аляксей Шэін, піша «Еўрарадыё».

Анлайн-курс уключае 12 заняткаў. У межах курса "сабранае самае важнае пра беларускую мову": карысны кантэнт, моўны гумар, цікавосткі пра Беларусь, выбарка найлепшага з беларускай культуры.

"Стваральнікі абяцаюць, што вы станеце вольна гаварыць па-беларуску, калі пройдзеце ўсе заняткі", — піша прэс-служба "Годна".