Асцярожна: вароны нападаюць на людзей (відэа)

У Салігорску вароны нападаюць на людзей у Салігорску. Відэа з нападамі агрэсіўных птушак апублікавала відавочца ў сацсетцы.

— Гэта адбывалася на вуліцы Заслонава. Я ў той час знаходзілася на балконе і ўбачыла, як вароны нападаюць на мінакоў, — распавяла карэспандэнту МЛЫН.BY аўтарка відэа Вольга Капцавіцкая. — Яны проста ішлі па сваіх справах і птушак цалкам не правакавалі. Вы ведаеце, з кватэры, вядома, не так страшна на ўсё гэта глядзець, а вось людзі на вуліцы здаваліся героямі фільма жахаў.

З чым звязаны агрэсіўныя паводзіны птушак і што рабіць, калі нападаюць вароны, распавяла загадчык аддзялення дадатковай адукацыі ГУДО «Эколага-біялагічны цэнтр дзяцей і моладзі Салігорскага раёна» Вольга Санюк:
— Зараз выпадкі пачасціліся, таму што вароны абараняюць свае гнёзды і птушанят. Таму так рэагуюць на ўсё, што рухаецца пад дрэвамі: ці гэта будуць людзі ці хатнія жывёлы. Неяк сябе засцерагчы не атрымаецца, бо не ведаеш, у які момант яны нападуць. Трэба было руйнаваць гнёзда ў межах горада да таго, як вывялася патомства. Зараз застаецца толькі перачакаць перыяд сталення птушанят — а гэта 2-3 тыдня.