Амаль 45 тысяч беларусаў знаходзяцца ў сучасным рабстве
У 2016 годзе у сучасным рабстве знаходзяцца 45,8 мільёна чалавек, сведчаць дадзеныя Глабальнага індэкса рабства. За год іх колькасць вырасла на 10 мільёна чалавек.
Фота www.pixabay.com
Да сучасных рабоў даследчыкі адносяць людзей, якія нарадзіліся ў няволі, сагнаных у сексуальнае рабства або вымушаных працаваць за даўгі або супраць сваёй волі.
У дакладзе сабраная інфармацыя з 167 краін. Самы высокі працэнт людзей, якія знаходзяцца ў сучасных формах рабства, у адносінах да насельніцтва краіны зафіксаваны ў Паўночнай Карэі, Узбэкістане, Камбоджы, Індыі й Катары.
Найменшая колькасць жыхароў, якія знаходзяцца ў сучасным рабстве была зафіксавана
ў 2016 годзе ў Люксембургу, Ірландыі, Нарвегіі, Даніі, Швейцарыі, Аўстрыі, Швецыі.
У Беларусі, паводле Global Slavery Index, у сучасным рабстве знаходзіцца 44 600 чалавек, што дае краіне 81 месца. У Расіі — 16 месца (больш мільёна рабоў), ва Украіны 25 — там у сучасным рабстве знаходзіцца 210 тысяч чалавек.