Кіраўнік ЕАБР: Гаварыць пра крэдыт Беларусі пакуль заўчасна

Кіраўнік Еўразійскага банка развіцця Мікалай Падгузаў пракаментаваў магчымасць атрымання ўладамі Беларусі крэдытавання праз ЕАБР.

Раней Лукашэнка заяўляў, што пасля адмовы МВФ выдзеліць сродкі Мінску для барацьбы з новым штамам каронавірусу беларускія ўлады хацелі б атрымаць фінансаванне праз ЕАБР.

Ці звярнулася ўжо беларускі бок з гэтым запытам у банк? Які аб’ём сродкаў і на якіх умовах мог бы даць ЕАБР? З гэтымі пытаннямі да кіраўніка ЕАБР Мікалая Падгузава звярнулася агенцтва Прайм.

— Гаворка ідзе пра фінансаванне па лініі Еўразійскага фонду стабілізацыі і развіцця, сродкамі якога кіруе ЕАБР. Банк не прымае рашэння аб выдзяленні сродкаў Фонду. Гэта прэрагатыва Савета ЕФСР, у які ўваходзяць міністры фінансаў дзяржаў-удзельніц, — паведаміў Мікалай Падгузаў.

Паводле яго слоў, у цяперашні час прадстаўнікі ЕФСР праводзяць папярэднія кансультацыі з уладамі Беларусі па напаўненні праграмнай матрыцы мер, якія могуць быць падтрыманыя ў рамках патэнцыйнага фінансавага крэдыту ЕФСР у сярэднетэрміновай перспектыве.

— Казаць пра суму крэдыту і канкрэтныя тэрміны яго прадастаўлення пакуль заўчасна — адзначыў Мікалай Падгузаў.