ЗША заяўляюць пра хакерскія напады на АЭС. Зноўку «расійскі след»?..

Замежжа

ЗША заяўляюць пра хакерскія напады на аб’екты атамнай энэргетыкі і іншыя энэргетычныя кампаніі 7 ліпеня. Кібэратакі, аднак, не паўплывалі на грамадзкую бяспеку і пастаўкі электраэнэргіі спажыўцам.

99b12019_a61d_40fb_bbde_ea10b0bd7606_w1023_r1_s.jpg


Як паведамляе агенцтва Bloomberg, атакі закранулі больш за дзесяць энэргетычных кампаній ЗША.

У цяперашні час не зафіксавана ніякага ўплыву на сістэмы, якія кантралююць энэргетычную інфраструктуру ЗША. Патэнцыйнае ўздзеянне абмежавалася адміністрацыйнымі і дзелавымі сеткамі, — паведамілі Reuters ў энэргетычным адзеле атамнай электрастанцыі ў Канзасе, на якую таксама была арганізаваная кібератака.


Bloomberg піша са спасылкай на амерыканскіх чыноўнікаў, што хакеры «працуюць на замежны ўрад», і што ў дачыненні да нападаў падазраюць Расію.
У канцы мінулага месяца ФБР разам з амерыканскімі дэпартаментамі энэргетыкі і нацыянальнай бяспекі папярэдзілі, што энэргетычныя кампаніі знаходзяцца пад пастаяннай пагрозай кібэратакі.
У чэрвені супрацоўнікі ФБР правялі гутаркі з шэрагам супрацоўнікаў кампаніі Kaspersky Lab ў ЗША. Агенты адзначылі, што ФБР цікавіць, як дзейнічае Kaspersky Lab ў ЗША, у прыватнасці, якім чынам дадзеныя пра працу кампаніі перадаюцца ў Расію. У заяве Kaspersky Lab гаворыцца, што іх абвінавацілі без «якіх-небудзь пераканаўчых доказаў». Раней заканадаўцы ЗША выказвалі занепакоенасць, што расійскія чыноўнікі могуць выкарыстоўваць прадукты Kaspersky Lab для здзяйснення нападаў на амерыканскія кампутарныя сеткі.
Радыё Свабода