У Кіеве падпалілі будынак тэлеканала «Інтэр»

У Кіеве загарэўся будынак тэлеканала Інтэр. Як паведамляе «Украінская праўда», гэта адбылося пасля акцыі пратэсту, удзельнікі якой падпалілі шыны ля ўваходу на тэлеканал.

Па сведчанні відавочцаў, пад вокнамі будынка на вуліцы Шчусева некалькі чалавек падпалілі шыны. Акрамя таго, іншыя ўдзельнікі акцыі пратэсту стаялі з транспарантамі «"Інтэр" — агент крамля». Такі ж надпіс быў пакінуты на сцяне будынка.
Выданне «Гордан» паведамляе са спасылкай на супрацоўніка тэлеканала, што пратэстоўцы кінулі запальныя бомбы на электроніку і апаратуру. Афіцыйны прадстаўнік кіеўскай паліцыі Аксана Блішчык ў сваім фэйсбуку паведаміла, што пакуль прычына пажару не ўсталяваная, а пратэстоўцы кінулі ў разбітае акно дымавую шашку.
Пажар узнік на другім паверсе. На месца прыбылі пажарныя машыны, паліцыя і машыны «хуткай дапамогі». Супрацоўнікаў эвакуіравалі з будынка, затым пажар патушылі. Удзельнікаў акцыі пратэсту, якія маюць дачыненне да падпалу, даставілі ў аддзел паліцыі.
31 жніўня кіраўнік МУС Арсен Авакаў абвінаваціў «Інтэр» у «антыдзяржаўнай пазіцыі» і папрасіў СБУ і іншыя дзяржаўныя органы расследаваць дзейнасць тэлеканала.

Паводле tvrain.ru