Пентагон выдзеліць Украіне ваенную дапамогу на 250 млн долараў

Чакаецца, што, акрамя фінансавай дапамогі, ЗША перададуць Украіне шэсць патрульных катэраў і некалькі супрацьартылерыйскіх радараў.

Пентагон збіраецца выдзеліць Украіне 125 млн долараў у якасці ваеннай дапамогі. Аб адпаведных планах вышэйшага ваеннага ведамства ЗША ў пятніцу, 6 сакавіка, былі неафіцыйна апавешчаныя прадстаўнікі Кангрэсу, паведамляе тэлеканал CNN са спасылкай на крыніцу ў Кангрэсе.
Гэтыя сродкі з'яўляюцца першай паловай фінансавага пакета ваеннай дапамогі Украіне ў аб'ёме 250 млн долараў, ужо ўхваленага Кангрэсам. Паведамляецца, што ЗША паставяць ва Украіну таксама некалькі супрацьартылерыйскіх радараў і шэсць узброеных патрульных катэраў Mark VI. «Апошнія асабліва важныя на фоне нядаўняга канфлікту Украіны з Расіяй у Чорным і Азоўскім марах», — адзначае CNN.
«Паколькі гэта з'яўляецца палітычным пытаннем, Пентагон не каментуе і не пацвярджае нічога адносна патэнцыйнай магчымасці прадастаўлення ваеннай дапамогі або пакетаў ваеннай дапамогі, абмеркаванне якіх яшчэ праходзіць у Кангрэсе», — заявілі ў сувязі з гэтым у прэс-службе Пентагона.

Спроба імпічменту Трампа ў сувязі з замарозкай ваеннай дапамогі Украіне

У ЗША так званая ініцыятыва па падтрымцы Украіны ў галіне бяспекі апынулася ў цэнтры грамадскай увагі, пасля таго як адміністрацыя прэзідэнта ЗША Дональда Трампа ў ліпені 2019 года прыпыніў выплату ваеннай дапамогі Украіне, ужо ухваленай Кангрэсам.
З-за падазрэння ў тым, што такім чынам Трамп спрабаваў шантажаваць прэзідэнта Украіны Уладзіміра Зяленскага, патрабуючы ад яго пачаць антыкарупцыйнае расследаванне ў дачыненні да верагоднага суперніка Трампа на прэзідэнцкіх выбарах 2020 года Джо Байдэна, Палата прадстаўнікоў Кангрэсу запусціла супраць кіраўніка Белага дома працэдуру імпічменту.
Аднак 6 лютага 2020 года кантраляваны рэспубліканцамі Сенат прызнаў усе абвінавачванні супраць прэзідэнта ЗША недастатковымі, што дазволіла Трампу пазбегнуць зняцця з пасады.
dw.com