Нарвегія абвінаваціла Расію ў спробе паўплываць на Нобелеўскі камітэт

Расійскія спецслужбы спрабавалі паўплываць на Нобелеўскі камітэт Нарвегіі, каб не дапусціць прысуджэння Прэміі міру прэзідэнту Украіны Пятру Парашэнка ў 2015 годзе. Пра гэта паведамляе NRK са спасылкай на Службу бяспекі нарвежскай паліцыі (PST).

Аперацыя пачалася з публікацыі расійскімі СМІ падробленага ліста ад імя тагачаснага спікера Вярхоўнай рады Украіны Уладзіміра Гройсмана да паверанага ў справах ЗША ў Нарвегіі, распавялі прадстаўнікі PST. У лісце ішла гаворка аб падтрымцы ЗША кандыдатуры ўкраінскага прэзідэнта. «Парашэнку важны цвёрдыя гарантыі прысуджэння Нобелеўскай прэміі міру ў бягучым годзе», — нібыта гаварылася ў лісце.
Праз некаторы час да сакратара Нарвежскага нобелеўскага камітэта Улафа Ньёльстада прыйшлі два чалавекі, якія назваліся супрацоўнікамі расійскай амбасады. Гутарка працягнулася паўтары гадзіны. Па словах Ньёлстада, сустрэча «выйшла абсурднай», і ён звярнуўся да спецслужбаў. Як пазней высветліла PST, адзін з наведвальнікаў быў супрацоўнікам СВР.
Мяркуецца, што публікацыя падробленага ліста ад імя Гройсман была арганізавана Расіяй, каб дыскрэдытаваць Нобелеўскі камітэт, калі ён сапраўды ўручыць прэмію міру Парашэнку, распавялі ў PST. Нібыта гэта пацвердзіла бы падкантрольнасць Камітэта амерыканскім спецслужбам.
У амбасадзе Расеі ў Осла заявілі, што сустрэча дыпламатаў з сакратаром Нобелеўскага камітэта была звычайным візітам ветлівасці з мэтай падтрымаць адносіны і лепш даведацца пра жыццё краіны. Здагадкі аб спецаперацыі ў пасольстве назвалі «паранояй» і імкненнем растлумачыць уласныя няўдачы ўмяшаннем звонку.
У 2015 годзе Прэмію міру атрымаў туніскі Квартэт нацыянальнага дыялогу «за вырашальны ўклад у будаўніцтва плюралістычнай дэмакратыі ў Тунісе па выніках язмінавай рэвалюцыі ў 2011 годзе». Ці быў Парашэнка сярод кандыдатаў, невядома. Спіс намінантаў будзе апублікаваны праз 50 гадоў.
Паводле grani