Мастак Паўленскі падпаліў дзверы будынка ФСБ і выклаў відэа

Відавочцы паведамілі, што дзверы ФСБ абгарэлі і пакрытыя копаццю.



Фота telegraf.by

Мастак-акцыяніст Пётр Паўленскі апублікаваў відэазапіс падпалу дзвярэй будынка ФСБ у цэнтры Масквы.

На кадрах відаць, як Паўленскі пазіруе перад першым пад'ездам будынка ФСБ на Лубянцы, а за ім гараць уваходныя дзверы.

nbsp;

Па словах карэспандэнта тэлеканала "Дождь" Уладзіміра Роменскага, які прысутнічаў на акцыі, каля 2:00 ночы ў панядзелак, 9 лістапада, Паўленскі абліў уваходныя дзверы будынка ФСБ з каністры, а затым паднёс запальнічку і падпаліў. Супрацоўнікі паліцыі затрымалі і мастака, і журналістаў Уладзіміра Роменскага і Нігіну Бероеву.

Паводле апошняй інфармацыі, журналістаў пасля дачы тлумачэнняў у якасці сведак адпусцілі.

Як распавяла жонка мастака Аксана Шалыгіна, гэта быў запланаваны перформанс: "Была акцыя па падпалу ўвахода ў галоўны будынак ФСБ на Лубянцы, у гэтым яе сутнасць. Затрыманы Пётр і два журналісты".

Відэазапіс падпалу суправаджаецца тэкстам, у якім гаворыцца, што "падпаленая дзверы Лубянкі — гэта пальчатка, якую кідае грамадства ў твар тэрарыстычнай пагрозе". Пры гэтым з далейшага тэксту вынікае, што пад "тэрарыстычнай пагрозай" Паўленскі мае на ўвазе метады працы ФСБ: "Федэральная служба бяспекі дзейнічае метадам бесперапыннага тэрору і ўтрымлівае ўладу над 146 000 000 чалавек".

Мастак Паўленскі стаў шырока вядомы пасля таго, як у 2013 годзе ён прыбіў сваю машонку да бруку на Чырвонай плошчы. Сваю акцыю ён назваў пратэстам супраць "трыумфу паліцэйскай дзяржавы".

У цяперашні час Паўленскі абвінавачваецца ў вандалізме ў сувязі з правядзеннем акцыі "Свабода", дзе ён і яго паплечнікі паказвалі "майдан": збудавалі на мосце ў Санкт-Пецярбургу барыкаду з пакрышак і падпалілі яе.

Паводле www.bbc.com