Францыя забараніла карыстацца паслугамі проституток

Парламент Францыі ўхваліў закон, накіраваны на барацьбу з прастытуцыяй. Дакумент крыміналізуюць куплю сэксуальных паслуг, а не іх продаж.

Згодна з дакументам, кліенты сэкс-работніц павінны заплаціць штраф у памеры 1,5 тысячы еўра (1,7 тысячы даляраў) пры першым парушэнні. Пры паўторнай куплі сэкс-паслуг штраф складзе 3,7 тысячы еўра (4,2 тысячы даляраў). Акрамя таго, кліенты прастытутак таксама будуць абавязаны прайсці курс лекцый пра шкоду гандлю сэксуальнымі паслугамі.
Дакумент таксама палягчае працэс легалізацыі ў Францыі замежных сэкс-работніц, якія жадаюць перастаць займацца прастытуцыяй.
Прыхільнікі закону лічаць, што ён дапаможа змагацца з выпадкамі прымусу да заняткаў прастытуцыяй.
Праціўнікі новых мер мяркуюць, што закон прымусіць сэкс-работніц хавацца, тым самым узмацніўшы іх залежнасць ад сутэнёраў і жорсткіх кліентаў.
«Самая важная частка гэтага закона — магчымасць дапамагчы прастытуткам, даць ім дакументы, паколькі мы ведаем, што 85 працэнтаў прастытутак у краіне — ахвяры прымусу», — сказала адна з аўтараў закона Мод Аліўе.
Абмеркаванне закона пачалося ў 2013 годзе і заняло 2,5 года з-за сур'ёзных рознагалоссяў паміж ніжняй палатай парламента і сенатам. Дакумент распрацоўваўся прадстаўнікамі левых і правых партый і актыўна падтрымліваўся урадам.
Аўтары закона абапіраліся на вопыт Швецыі, дзе падобныя меры дзейнічаюць з 1999 года. Такі ж падыход прымяняецца ў Нарвегіі, Ісландыі і Вялікабрытаніі.