Да дома Парашэнкі пад Кіевам спрабавалі прарвацца цітушкі. Той абвінаваціў у гэтым Зяленскага

Экс-прэзідэнт Украіны Пётр Парашэнка абвінаваціў дзейнага прэзідэнта Украіны Уладзіміра Зяленскага ў арганізацыі праплочаных пратэстаў каля свайго дома ў вёсцы Козіна пад Кіевам.

«Мы сёння ўбачылі, што рускамоўныя цітушкі за грошы гатовыя прадаць Украіну. Гэтым брудным сцэнаром, зробленым за грошы, скрадзеныя ў падаткаплацельшчыкаў, яны спрабуюць адцягнуць увагу, каб пазбегнуць адказнасці», — напісаў Парашэнка ў сацсетках.

Экс-прэзідэнт усклаў адказнасць за «загады аб куплі цітушак і бяздзейнасць праваахоўных органаў» на Офіс прэзідэнта. Пры гэтым Парашэнка падзякаваў ветэранаў і актывістаў, якія сталі на яго абарону.

У суботу каля дома былога кіраўніка Украіны адбыліся сутыкненні паміж двума групамі людзей. Першая спрабавала прарвацца да катэджа Парашэнкі, абвінавачваючы яго ў карупцыі, другая — яго абараняла.

Паводле «Еўрарадыё».