Кастусь Жукоўскі ў чарговы раз аштрафаваны

Гомельскі блогер і фрылансер быў абвінавачаны ў незаконным вырабе і распаўсюдзе прадукцыі СМІ.

У судзе Цэнтральнага раёна Гомеля 21 верасня разгледжаная адміністрацыйная справа, заведзеная на грамадскага актывіста і фрылансера Канстанціна Жукоўскага. Яго вінавацяць ў незаконным вырабе і распаўсюдзе прадукцыі СМІ (частка 2 арт. 22.9 КаАП РБ).
На суд Жукоўскі вырашыў прыйсці ў арыштанцкай робе, чым злёгку шакаваў судовых служак. Аднак толькі не суддзю. Вырак - штраф у памеры 30 базавых велічынь.
Паводле ПЦ "Вясна"