«Белавія», «Беларусьнафта», «Белшына», «Гродна Азот». Стаў вядомы змест пятага санкцыйнага пакета ЕС

У спіс увайшлі прадпрыемствы з Беларусі, Сірыі і Турцыі, а таксама беларускія памежнікі, суддзі і прапагандысты. Паводле крыніца «Свабоды» ў Бруселі, спіс з 17 чыноўнікаў і 11 арганізацый ухваляць 1 снежня. Санкцыі пачнуць дзейнічаць з дня падпісаньня і публікацыі.

Еўрапейская Рада ўнесла змены ў крытэры прызначэння санкцый, каб «дазволіць прымяненне мэтавых абмежавальных захадаў у дачыненні фізічных і юрыдычных асобаў, аб’ектаў або органаў, якія арганізуюць або спрыяюць дзейнасці рэжыму Лукашэнкі ў садзейнічанні незаконнаму перасячэнню знешніх межаў дзяржавы-члена або кантрабандзе забароненых або небяспечных грузаў на тэрыторыю дзяржавы-сябра».

Асобы, якія трапяць пад санкцыі:

Ігар Кручкоў, начальнік асобнай службы актыўных мерапрыемстваў спецназу Дзяржаўнага памежнага камітэту;

Анатоль Лапо, генерал-лейтэнант, кіраўнік Дзяржаўнага памежнага камітэту Рэспублікі Беларусь;

Канстанцін Моластаў, начальнік Горадзенскай памежнай групы;

Павал Харчанка, начальнік Полацкай памежнай групы;

Ігар Гутнік, начальнік Берасцейскай групы аховы;

Аляксандар Давідзюк, кіраўнік Лідзкага памежнага атраду;

Максім Бутранец, кіраўнік Смаргонскага памежнага атраду;

Анатоль Глаз, прэс-сакратар МЗС Беларусі;

Сяргей Епіхаў, суддзя Мінскага раённага суду;

Ігар Любавіцкі, суддзя Вярхоўнага суду Рэспублікі Беларусь;

Сяргей Гіргель, старшы пракурор Генеральнай пракуратуры;

Валянціна Кулік, суддзя Вярхоўнага суду;

Андрэй Пракапук, выканаўчы дырэктар у фінансавых расследаваннях Дзяржкантролю;

Ігар Маршалаў, дырэктар Дэпартаменту фінансавых расследаванняў Дзяржкантролю;

Ганна Сакалоўская, суддзя Калегіі Вярхоўнага суду ў грамадзянскіх справах;

Марат Маркаў, кіраўнік тэлеканала АНТ;

Дзмітрый Карсюк, суддзя Цэнтральнага раённага суду Беларусі.

Кампаніі і арганізацыі, якія апынуцца пад санкцыямі:

авіякампанія «Белавія»;

турыстычная фірма «Цэнтаркурорт»;

турыстычнае агенцтва «Оскартур»;

гатэль «Мінск»;

гатэль «Планета»;

Асобная служба актыўных мерапрыемстваў (АСАМ);

авіякампанія Cham Wings Airlines (Сірыя);

пашпартна-візавы цэнтар VIP Grub (Турцыя);

«Гродна Азот»;

«Беларусьнафта»;

«Гродна Хімвалакно»;

«Белшына».

Гэта будзе пяты пакет санкцый супраць тых, хто падтрымлівае рэжым Лукашэнкі. Яны пакараныя за тое, што дапамагалі антыдэмакратычнай палітыцы сваімі дзеяннямі або фінансава, адзначаюць крыніцы.