У Мінску прайшоў чарговы фестываль вулічных тэатраў

Мінчукі і турысты пільна сачылі за боем на мячах паміж Цмокам і Юр’ем каля мінскай ратушы, рабілі сэлфі з безгаловым чалавекам, які з задавальненнем дазваляў сябе фатаграфаваць.

У Мінску прайшоў чарговы фестываль вулічных тэатраў.

Гавораць яго ўдзельнікі.

Арт-дырэктар вандроўнага тэатра «Вір» Ганна Несцерава:

—    Мы выступалі з маім улюбёным спектаклем «Юр’я і цмок», па беларускай легендзе пра пераможцу цмока  Юр’ю.

Дзяніс Фёдараў, рэжысёр тэатра «Напротив», Брэст:

— Спектакль называецца «Білінгвы.Брэст», ён зроблены ў тэхніцы вербацім, дакументальны тэатр. У аснову леглі інтэрв’ю людзей з Брэсту. Мы з імі гаварылі пра білінгвізм, пра іх стаўленне да сітуацыі з беларускай і рускай мовай у Беларусі.  

Сёлетні Фестываль вулічных тэатраў у Мінску праходзіць ужо пяты год запар. Звычайна ён доўжыцца два-тры дні. У ім традыцыйна бяруць удзел калектывы і выступоўцы з краін Еўропы і з Расіі. Прадстаўленні адбываюцца паралельна на трох пляцоўках у Старым горадзе.



Максім Каўняровіч, Беларускае Радыё Рацыя