Ва Украіне не заўважылі прыкмет перакрыцця мяжы з Беларуссю

Нагадаем, закрыццё мяжы з Украінай напярэдадні анансаваў Аляксандр Лукашэнка.

«За мінулыя суткі істотных змен абстаноўкі або памяншэння прапускных аперацый на мяжы Украіны з Рэспублікай Беларусь не назіралася», — гаворыцца ў паведамленні ўкраінскай памежнай службы.

Паводле звестак украінскай памежнай службы, за мінулыя суткі на ўезд ва Украіну з Беларусі прапушчана амаль 2000 чалавек, а ў зваротным кірунку — больш за 1700 чалавек.

Гэтыя паказчыкі нават вышэй, чым сярэднясутачныя за мінулы месяц, што, верагодна, звязана з выходнымі. 3 ліпеня таксама назіраецца даволі рытмічны рух праз пункты пропуску на гэтым участку.

Паводле БелаПАН.