Польшча таксама стала вяртаць нелегалаў назад у Беларусь
Падобна да таго, што Польшча «ціхім сапам» пераняла вопыт прыбалтыйскіх рэспублік і пачала вяртаць у Беларусь нелегалаў, якія прыйшлі з яе тэрыторыі, піша «Ежедневник».
Скрыншто з відэа gpk.gov.by
Польшча стала вяртаць нелегалаў назад у Беларусь. Гэта вынікае з паведамлення Дзяржаўнага памежнага камітэта Беларусі, апублікаванага сёння ў яго тэлеграм-канале.
Як гаварыцца ў паведамленні, сёння, 13 жніўня, з боку Польшчы да беларускай мяжы была арганізавана дастаўленая група замежнікаў. Выпадак адбыўся на ўчастку пагранічнай заставы «Бяляны».
У Дзяржаўным памежным камітэце Беларусі чамусьці асабліва адзначылі, што аўтамабіль такога тыпу, на якім да мяжы прывезлі эмігрантаў, не выкарыстоўваецца польскімі памежнікамі, а належыць Узброеным сілам Польшчы.