Марыне Дуброўскай змянілі меру. Але яна застаецца палітычнай зняволенай

Палітзняволенай Марыне Дуброўскай змянілі меру стрымання на хатні арышт. Здарылася гэта яшчэ 10 лістапада, паведамляюць праваабаронцы

Давераную асобу Святланы Ціханоўскай Марыну Дуброўскую затрымалі 9 ліпеня падчас «шырокамаштабнай аперацыі КДБ па зачыстцы ад радыкальна настроеных людзей», нагадвае ТГ-канал Zerkalo. 

Жанчыне вылучылі абвінавачанне паводле артыкулу 342-2 Крымінальнага кодэксу (фінансаванне дзейнасці экстрэмісцкага фармавання) і змясцілі ў СІЗА, дзе яна знаходзілася 4 месяцы.

Нягледзячы на змену меры стрымання, крымінальная справа супраць Марыны Дуброўскай не закрытая і яна застаецца палітычнай зняволенай.

Паводле «Радыё Свабода»