Як дапамагчы сабе, калі адчуваеш страх згвалтавання?
Такія трагічныя падзеі, як смерць беларускі ў Польшчы, на якую быў здзейснены жорсткі напад, не могуць не адбіцца на псіхалагічным стане многіх беларусак па ўсім свеце.
Важна разумець, што прыступ панікі ці ўзмацненне фонавай трывожнасці, боязь выходзіць на вуліцу ў цёмны час сутак — натуральная рэакцыя на трагедыю. Як сабе дапамагчы?
Першае, што вы можаце зрабіць са сваімі неадчэпнымі думкамі — лагічныя дзеянні і аргументы «супраць».
Глядзіце таксама
Прадумайце, як вы будзеце дзейнічаць у выпадку нападу. Паклапаціцеся пра сваю бяспеку настолькі, наколькі гэта магчыма. Гэта дапаможа зменшыць страх, узяць сітуацыю пад кантроль.
Прагаварыце свае страхі з партнёрам, падзяліцеся асцярогамі з блізкімі. Памятайце, што баяцца — гэта нармальна, асцерагацца — гэта прадбачліва.
У выпадку панічнай атакі або росту трывожнасці выкарыстоўвайце вядомыя вам тэхнікі для змяншэння трывогі: дыхальныя практыкі, тэхнікі адцягнення ўвагі і гэтак далей.
Глядзіце таксама
Калі трывога нарастае і вы не ведаеце, як з ёю справіцца, патэлефануйце на «гарачую лінію» службы «Адно акно», дзе вам дапамогуць крызісныя псіхолагі.
Кансультанты службы таксама могуць дапамагчы ў выпадку, калі гвалт усё-ткі адбыўся — і акажуць дапамогу і падтрымку сваякам і блізкім пацярпелых.
Чат і «прамая лінія» працуюць з 12 да 20:00 па беларускім часе.
Сайт: by.social
Паводле прэс-рэлізу