Гомельскія БХД, АГП і “Наш дом” дамовіліся пра супрацу

У Гомелі створаная гарадская кааліцыя мясцовых дэмакратычных сілаў, у якую ўвайшлі Беларуская хрысціянская дэмакратыя, Аб’яднаная грамадзянская партыя і грамадзянская кампанія "Наш дом”.



Згодна з падпісанай дамовай, "эфектыўная абарона правоў і інтарэсаў грамадзян Гомеля магчымая толькі пры аб'яднанні сумесных намаганняў”.

"Аб'яднаем свае намаганні дзеля дасягнення рэальных пераменаў у жыцці нашага горада, падпісваем пагадненне аб стварэнні Форуму грамадскіх арганізацый і грамадзянскіх ініцыятыў горада Гомеля і дамаўляемся і далей ажыццяўляць сталую каардынацыю дзейнасці і супрацоўніцтва ніжэйпералічаных арганізацый у падрыхтоўцы і правядзенні грамадскіх кампаній і абароне правоў грамадзян горада Гомеля”, — гаворыцца з дакуменце.

Дамову падпісалі каардынатар аргкамітэта па стварэнні партыі БХД па Гомелі Андрэй Мельнікаў, кіраўнік Гомельскай гарадской арганізацыі АГП Уладзімір Няпомняшчых і кіраўнік грамадскай ініцыятывы "Наш Дом – Гомель” Андрэй Аксёнаў.Прэсавая служба БХД