Беларусь уваходзіць у лік краін-лідэраў па ўзроўні падлеткаў, якія паляць

Па ўзроўні падлеткаў, якія рэгулярна паляць, Беларусь сёння ўваходзіць у спіс краін-лідэраў, распавяла галоўны педыятр Міністэрства аховы здароўя Беларусі Валянціна Ваўчок.



Такія высновы былі зроблены па выніках сацыялагічнага апытання, які праводзіў цэнтр маніторынгу на базе РНПЦ псіхічнага здароўя. Дакладных лічбаў спецыяліст агучыць не змагла. Раней паведамлялася, што рэгулярна паляць у Беларусі больш за 65 працэнтаў студэнтаў і школьнікаў, паведамляе TUT.BY.

Мы займаем прамежкавае становішча паміж 20 і 30 пазіцыямі ў спісе. «То бок, гэта не першае-трэцяе месцы», — патлумачыла пазней спецыяліст.

З алкаголем сітуацыя таксама неадназначная. Больш за 40% апытаных падлеткаў прызналіся, што ўпершыню паспрабавалі алкаголь у сябе дома, гэта значыць у сям’і. Больш за 8% паказалі, што першы раз выпілі гарэлку ў 11-14 гадоў.

«Колькасць непаўналетніх, якія стаяць на ўліку ў нарколагаў, застаецца несуцяшальнай, — адзначыла Валянціна Ваўчок. — Для вырашэння гэтых праблем патрабуецца ўдзел усіх зацікаўленых, і асабліва — бацькоў. Штогод каля 2 тысяч дзяцей прызнаюцца дзяцьмі, якія знаходзяцца ў сацыяльна небяспечным становішчы».