Байдэн падтрымлівае Украіну і чакае магчымасці зноў наведаць краіну — Ярмак

Прэзідэнт ЗША Джо Байдэн у тэлефоннай размове з прэзідэнтам Украіны Уладзімірам Зяленскім заявіў, што чакае магчымасці зноў наведаць Украіну і запэўніў у сваёй падтрымцы ў пытаннях рэфармавання краіны, паведаміў кіраўнік Офіса прэзідэнта Украіны Андрэй Ярмак.

«Прэзідэнт Украіны Уладзімір Зяленскі правёў тэлефонную размову з прэзідэнтам Злучаных Штатаў Амерыкі Джо Байдэнам. Прэзідэнт Байдэн падтрымлівае Украіну ва ўсім, а яго каманда высока шануе ўсё, што робіць прэзідэнт Зяленскі ў пытаннях рэфармавання краіны. Джо Байдэн дадаў, што чакае магчымасці зноў наведаць Украіну, а таксама прыгадаў свой выступ ва ўкраінскім парламенце», — напісаў Ярмак на старонцы ў Facebook.
Раней прэзідэнт Украіны Уладзімір Зяленскі па выніках перамоў з прэзідэнтам ЗША Джо Байдэнам заявіў аб тым, шануе падтрымку ЗША і мае намер сур'ёзна праводзіць рэфармаванне краіны
«Украіна шануе падтрымку ЗША на розных узроўнях. Мы стаім плячо ў плячо, калі гаворка ідзе аб захаванні нашых дэмакратый. Я сур'ёзна настроены рэфармаваць Украіну, павялічыць празрыстасць і дасягнуць міру. Амерыканскае партнёрства мае вырашальнае значэнне для ўкраінцаў», — адзначыў Зяленскі ў сваім Твітары па выніках перамоў з прэзідэнтам ЗША.
interfax.by