Еўра ў абменніках — больш за 3 рублі. Што далей?

Чаму еўрапейская валюта так расце?

18 жніўня на таргах БВФБ былі ўсталяваныя наступныя курсы: даляр — 2,4677, еўра — 2,9336. За сотню расійскіх рублёў давалі 3,36 беларускага. Абменныя пункты банкаў адрэагавалі неадкладна: днём у сталіцы даляр можна было купіць за 2,45-2,495 рубля. Еўра прадавалі ў дыяпазоне ад 2,96 да 3 рублёў.
Дынаміка росту курсу еўра ёсць, аднак яна не вельмі звязана з беларускім рублём, лічыць старэйшы аналітык кампаніі «Альпары Еўразія» Вадзім Іосуб.
— У свеце адбываюцца дзве тэндэнцыі: долар зніжаецца, еўра - расце. Суадносіны «еўра-даляр» цяпер прыкладна на адзнацы 1,195. Каб было зразумела — гэта максімальнае значэнне з мая 2018 года. Гэта значыць еўра моцна расце да даляра, а калі ў нас на таргах да беларускага рубля расце даляр, гэта азначае, што еўра расце яшчэ мацней. Гэта сусветная кан'юнктура, — адзначыў Вадзім Іосуб у каментары «Камсамольскай праўдзе ў Беларусі». — Беларускі рубель зніжаецца да валют, але зніжаецца досыць млява. Кошык вырасла за сённяшні дзень менш, чым на 0,2%. Ні мінулы тыдзень, ні пачатак гэтага — нічога экстраардынарнага не прынеслі.
Паводле Заўтра тваёй краіны