«Белнафтахім» павышае кошты на паліва яшчэ на 1 капейку

18 сакавіка канцэрн «Белнафтахім» павышае рознічныя кошты на паліва на 1 капейку за літр, піша doingbusiness.by.

Кошт аднаго літра бензіну "Нармаль 80" павышаецца з 1,01 да 1,02 рубля.
Бензін "Аі-92" — з 1,12 да 1,13 рубля.
Бензін "Аі-95" — з 1,20 да 1,21 рубля.
Бензін "Аі-98" — з 1,41 да 1,42 рубля.
Дызельнае паліва (ДТ-К5) — з 1,24 да 1,25 рубля.
Дызельнае паліва (ДТ-З-К5, клас 2) — c 1,39 да 1,40 рубля.
Дарэчы, папярэдняе павышэнне адбылося тыдзень таму. І тады павышэнне склала таксама 1 капейку.
Як падлічвала Еўрарадыё, павышэнне коштаў на паліва ўсяго на 1 капейку дазваляе атрымаць прыбытак у $8,7 млн у памерах усёй Беларусі.
Паводле «Еўрарадыё»