Усе думалі, што сабака памёр. А ён знайшоўся праз 12 гадоў
Жыццё сабакі Зоі заслугоўвае таго, каб пра яе знялі фільм.
Яшчэ шчанюком Зоі разам са сваёй сястрой-блізнюком трапіла ў Каліфарнійскі прытулак. Сабакам тады было шэсць месяцаў, і яны добра прыстасаваліся ў новым доме: гаспадары любілі і песцілі іх.
Аднойчы гаспадыня выйшла з Зоі на шпацыр і па дарозе вырашыла зазірнуць у краму. Мішэль прывязала сабаку каля ўваходу і ўвайшла ўнутр. Калі яна вярнулася, сабакі ўжо не было. Мішэль падала заяву ў паліцыю і апавясціла кампанію па вытворчасці мікрачыпаў аб знікненні сабакі. Праз пяць гадоў Зоі была зарэгістраваная ў базе даных вытворцы чыпаў як жывёла, якая памерла. Офіс шэрыфа акругі Сан-Хаакін паведаміў пра гэта на сваёй старонцы ў Facebook. Аднак адбыўся сапраўдны цуд.
«10 лютага 2022 года афіцэр Брэндан Левін атрымаў тэлефоннае паведамленне пра бяздомнага сабаку, якога кінулі ў загараднай уласнасці за межамі Стоктана. Той, хто тэлефанаваў, сказаў, што сабака выглядае старой і нездаровай», — сказалі ў паліцыі. Зоі, якая добрасумленна служыла сваім новым уладальнікам на працягу дзесяці гадоў, проста выгналі.
Афіцэр Брэндан Левін, які праверыў Зоі, атрымаў ад вытворцы чыпа кантактную інфармацыю яе ўладальніка і выявіў, што ў яго ўсё яшчэ ёсць той жа нумар мабільнага тэлефона.
Сабака быў знойдзены прыкладна ў 100 кіламетрах ад таго месца, дзе ён знік у 2010 годзе. Мішэль, якая прыйшла забраць хатнюю жывёлу, сказала: «Я дакладна не чакала, што гэта калі-небудзь адбудзецца, таму я вельмі ўсхваляваная».
Высветлілася, што сабака знаходзіцца ў дрэнным стане. Яго рэбры прасвечваліся скрозь скуру, а поўсць выпадала з-за недахопу пажыўных рэчываў, ствараючы лысіны. «Я вельмі шчаслівая і спадзяюся, што калі мы вернемся дадому, я яе вылечу і дазволю ёй жыць ў любові ўсё астатняе жыццё», — кажа Мішэль.
