Трымальнікі расійскіх еўрабондаў заявілі пра дэфолт. Расія супраціўляецца

Трымальнікі расійскіх еўрааблігацый выпуску «Расія-2022» заявілі аб няпоўным выкананні абавязацельстваў. Гаворка ідзе пра доўг у 1,9 млн долараў.

Еўрапейскі камітэт па крэдытных дерыватывам прызнаў нявыплату Расіяй дадатковых працэнтаў па аблігацыях на паказаную суму. Гаворка ідзе аб працэнтах, якія налічваліся па ўмовах выпуску за перыяд з 4 красавіка (даты пагашэння ў адпаведнасці з праспектам эмісіі) да даты фактычнага атрымання сродкаў трымальнікамі аблігацый, піша REFORM.by.

Нагадаем, пагашэнне выпуску было затрымана з-за санкцый, уведзеных у дачыненні да Расіі.

Расійскі Мінфін заявіў, што гатовы ў двухбаковым парадку разгледзець і ўрэгуляваць усе прэтэнзіі, якія ўзніклі ў трымальнікаў еўрааблігацый «Расія-2022».

Раней Расія заявіла, што выплаціць працэнты па еўрабондах у рублях. Рэйтынгавае агенцтва Fitch адказала: «Разлікі па суверэнных еўрааблігацыях павінны праходзіць у доларах ЗША, а дакументацыя па аблігацыях не дапускае разлікаў у альтэрнатыўных валютах. Fitch будзе разглядаць сплату аблігацый у мясцовай валюце як дэфолт».