Польшча хоча стварыць самае магутнае сухапутнае войска ў еўрапейскіх краінах НАТА

У Польшчы будуць наймацнейшыя сухапутныя войскі сярод еўрапейскіх краін НАТА, заявіў міністр нацыянальнай абароны Польшчы Марыюш Блашчак.

«Польскае войска павінна быць настолькі шматлікім і моцным, каб само яго існаванне стрымлівала агрэсара. Крамлёўскія кіраўнікі не нападаюць на моцных; калі яны бачаць слабасць, яны нападаюць. Будзь то артылерыя або бранятанкавыя войскі, у выніку ў Еўропе не будзе мацнейшай дзяржавы. Сярод еўрапейскіх краін НАТА ў нас будуць наймацнейшыя сухапутныя войскі. Мы знаходзімся на лініі фронту, у нас ёсць мяжа з Расіяй і на поўначы, і фактычна, у ваенных адносінах, з Беларуссю», — заявіў Марыюш Блашчак у інтэрв'ю часопісу «Sieci».
Гаворачы пра адказ на магчымую кропкавую агрэсію з боку Расіі, калі ракеты могуць ударыць па ключавых кропках польскай эканомікі, міністр зазначыў:
«Ужо сёлета паступіць першы з замоўленых у 2018 годзе зенітна-ракетны комплекс Patriot, а таксама батарэя, ідэнтычная брытанскай сістэме блізкага радыусу дзеяння Sky Sabre. Нарэшце, у нас ёсць нашы Piorun, якія добра зарэкамендавалі сябе ва Украіне. Гэта будзе шматслойны шчыт, будаўніцтва якога ўжо ідзе поўным ходам».