Кітай: мюзікл супраць варожай прапаганды

Кітайскія ўлады арыгінальна адрэагавалі на шматлікія заявы Захаду пра генацыд уйгураў. Калі верыць заходнім СМІ, Пекін разгарнуў у правінцыі Сіньцзян маштабную кампанію па асіміляцыі уйгураў, якім у спецыяльных «цэнтрах перавыхавання» гвалтоўна навязваць кітайскую ідэнтычнасць.


Адказам Кітаю на спробы ўзняць уйгурскае пытанне стаў выхад на экраны мясцовых кінатэатраў мюзікла «Крылы песень». Яго героі — музыкі з Сіньцзяна, — вырашаюць вярнуцца на радзіму ў пошуках музы. Блукаючы па краі, яны знаёмяцца з мясцовымі этнічнымі кланамі — таджыкамі, уйгурамі, казахамі і гэтак далей. Усе тыя этнасы добра жывуць, не ведаючы ні пра якія «цэнтры перавыхавання».
Заходнія крытыкі пішуць, што занадта вялікая колькасць пазітыўных сцэн выклікае адчуванне фальшыўкі. А вось пекінская афіцыйная прэса, наадварот, прагназуе «Крылам песень» лёс «La La Land» — амерыканскага мюзікла, які пару гадоў таму атрымаў «Оскара» за найлепшую стужку.