ФСБ: выканаўца тэракту ў Пецярбургу карыстаўся Telegram

«Telegram» у Расіі павінен быць заблакаваны, — лічаць у ФСБ. Таму што «найбольш актыўна чальцамі міжнародных тэрарыстычных арганізацый на тэрыторыі РФ выкарыстоўваецца мессенджар "Telegram"».

Выканаўца тэракту 3 красавіка ў Санкт-Пецярбургу выкарыстаў месенджар “Telegram” для сувязі з "замежным куратарам", паведаміла расійская Федэральная служба бяспекі са спасылкай на аператыўныя дадзеныя следства.

За некалькі гадзін да гэтага ўладальнік “Telegram” Павел Дураў заявіў, што расійскія ўлады патрабавалі ад яго даць спецслужбам доступ да зашыфраванай перапіскі карыстальнікаў месенджара, а ён адмовіўся.

Падчас расследавання тэракту ў метро Санкт-Пецярбурга ў красавіку, ФСБ Расіі "атрыманая дакладная інфармацыя аб выкарыстанні тэрарыстам-смяротнікам, яго памагатымі і замежным куратарам месенджара "Telegram" для ўтойвання сваіх злачынных задум на ўсіх стадыях арганізацыі і падрыхтоўкі тэрарыстычнага акту", цытуюць расійскія агенцтва афіцыйнае паведамленне ФСБ.

"Найбольш актыўна чальцамі міжнародных тэрарыстычных арганізацый на тэрыторыі РФ выкарыстоўваецца месенджар "Telegram", які прадстаўляе тэрарыстам магчымасць ствараць сакрэтныя чаты з высокім узроўнем шыфравання інфармацы", — сцвярджаюць прадстаўнікі расійскіх спецслужбаў.

Нагадаем, выбух у метро Пецярбурга адбыўся 3 красавіка днём на перагоне паміж станцыямі "Сенная плошча" і "Тэхналагічны інстытут". Падчас руху цягніка ў вагоне спрацавала выбуховае прыстасаванне, начыненае паражальнымі элементамі. Ахвярамі выбуху сталі 16 чалавек, дзясяткі атрымалі раненні.

20 красавіка дырэктар ФСБ Аляксандр Бортнікаў заявіў, што следства выявіла заказчыка выбуху. Падрабязнасці ён не паведаміў.

У ноч на панядзелак уладальнік месенджара Павел Дураў на сваёй старонцы "ВКонтакте" заявіў, што кіраўнік “Роскомнадзора” Аляксандр Жараў патрабаваў ад яго даць спецслужбам доступ да зашыфраванай перапіскі карыстальнікаў “Telegram”.

"Кіраўнік Роскомнадзора заявіў, што “Telegram” павінен выдаць спецслужбам" ключы для дэшыфрацыі", каб тыя маглі чытаць перапіску карыстальнікаў і лавіць тэрарыстаў. Гэта патрабаванне не толькі супярэчыць 23-му артыкулу Канстытуцыі РФ аб праве на таямніцу перапіскі, але і дэманструе няведанне таго, як шыфруецца камунікацыя ў 2017 годзе", — напісаў ён.

У пятніцу 23 чэрвеня кіраўнік Роскомнадзора апублікаваў адкрыты ліст да адміністрацыі сэрвісу “Telegram”, у якім заявіў, што каманда месенджара не выконвае патрабаванні расійскага закона аб арганізатарах распаўсюду інфармацыі.

"Час, што адвёў “Роскомнадзор” на прыняцце рашэння, мінае, — папярэдзіў Жараў Дурава. — У выпадку фактычнага адмовы ад выканання абавязкаў арганізатара распаўсюджвання інфармацыі, “Telegram” у Расіі павінен быць заблакаваны. Да таго часу, пакуль мы не атрымаем патрабаваныя звесткі".

Паводле расійскага заканадаўства, "арганізатар распаўсюду інфармацыі" ў інтэрнэце павінен забяспечыць захоўванне на тэрыторыі Расіі дадзеных аб сваіх карыстальніках і ўсёй інфармацыі, якой яны абменьваюцца, на працягу апошніх шасці месяцаў.

У сярэдзіне мая газета "Ведамасці" паведаміла, што “Роскомнадзор” накіраваў “Telegram” ліст, дзе прыгразіў заблакаваць сэрвіс.

"Яшчэ ні адзін урад або спецслужба ў свеце не атрымалі ні біта інфармацыі ад нас. Так будзе заўсёды", — пракаментавалі тады гэтую навіну ў “Telegram” агенцтву Rambler News Service.

Паводле ВВС