Адкрыццё помніка Барысу Нямцову — прамая відэатрансляцыя

У 14 гадзін — прамая відэатрансляцыя Рускай службы "Радыё Свабода" з Траякураўскіх могілкаў, дзе адкрываецца помнік Барысу Нямцову.



Сёння, 9 кастрычніка, расійскаму палітыку Барысу Нямцову, які быў забіты 27 лютага  гэтага года ў цэнтры Масквы, споўнілася б 56 гадоў.

У швейцарскім Базелі пройдзе канцэрт памяці Барыса Нямцова, арганізаваны яго дачкой Жанай і сябрамі. Раней, на 40 дзён з дня смерці палітыка, ні адзін з маскоўскіх музычных клубаў не рашыўся на правядзенне памятнага канцэрту, баючыся ціску ўладаў.

Сёння ж на магіле Нямцова на Траякураўскіх могілках у Маскве адбудзецца цырымонія адкрыцця помніка, вырабленага пецярбургскім скульптарам Вячаславам Бухаевым.

Трансляцыю Базельскага канцэрту, у якім прымуць удзел гурт "Акіян Эльзы", Андрэй Макарэвіч, Андрэй Гаўрылаў, правядзе "Адкрытая Расія". Таксама 9 кастрычніка ў Звераўскім цэнтры сучаснага мастацтва ў Маскве адкрыецца выстава "Нямцоў мост", якую арганізуюць валанцёры, што ахоўваюць мемарыял на месцы гібелі Барыса Нямцова.