Абмену вязнямі паміж Расіяй і Украінай сёння не адбудзецца

У СБУ заяўляюць, што абмен вязнямі паміж Украінай і Расіяй у пятніцу, 30 жніўня, не адбудзецца. Пра гэта паведаміла спікер СБУ Алена Гітлянская, піша Обозреватель. 

"Мы не кажам дату, але магу сказаць, што не сёння. Канчатковай даты пакуль няма", — сказала Алена Гітлянская.

Радио Свобода са спасылкай на крыніцы ў праваахоўных органах паведамляе, што абмен пераносіцца на наступны тыдзень.

Паводле дадзеных адваката Валянціна Рыбіна, які займаецца працэсам абмену, ён адбудзецца 3 верасня. Адвакат патлумачыў затрымку тым, што Уладзімір Зяленскі пакуль не памілаваў зняволеных расіян, адзначае ria.ru.

Нагадаем, уначы новаабраны генеральны пракурор Руслан Рабашапка паведаміў, што паміж Украінай і Расіяй адбыўся абмен палоннымі і вязнямі. Пазней іх чакалі ў аэрапорце Кіева, куды прыбыў, у прыватнасці, сакратар СНБА Аляксандр Данілюк.

Аднак у Офісе прэзідэнта тады заявілі, што працэс абмену ўсё яшчэ працягваецца:  "Упершыню мы бачым інфармацыйны хаос, выкліканы спасылкамі на непацверджаную інфармацыю і шматлікія "крыніцы". Мы заклікаем зразумець наступствы дэзінфармацыі: гэта гульня з эмоцыямі грамадства. Калі ўзаемнае вызваленне затрыманых завершыцца, Офіс прэзідэнта будзе інфармаваць па афіцыйных каналах", — адзначыў Уладзімір Зяленскі.