Чэмпіёнка Вольга Сафронава, якая з'ехала ў эміграцыю: у Беларусі я трапіла ў спісы Іуды

Чэмпіёнка Беларусі па конным спорце Вольга Сафронава ў інтэрв'ю праекту «Максімальна» выказалася аб сваім бачанні бягучага становішча спраў са спортам у краіне.

— У Беларусі спорт не па-за палітыкай. Але спадзяюся, паступова наш алімпійскі рух будзе мець перавагу над палітычнымі працэсамі, — выказалася Сафронава.

Ёй прапаноўвалі падпісаць праўладны ліст спартсменаў, прыгадвае Сафронава:

— Далі тэкст, сказалі: прачытай, калі згодная, падпішы. Я прачытала і сказала: Дзякуй, да пабачэння. (...) Я трапіла ў спіс «Іуды Беларусі» — спіс людзей, якіх нельга браць на працу або рэкамендавана звольніць. Пасля гэтага ў мяне сумневаў не ўзнікала, што вяртацца дадому небяспечна.

Зараз Вольга Сафронава знаходзіцца ў Польшчы, дзе мае намер працягнуць спартыўную кар'еру.

Паводле сайту «Еўрарадыё».