ЗША паспрабуюць зраўняцца з санкцыямі ЕС супраць рэжыму Лукашэнкі

ЗША ў пытанні санкцый супраць рэжыму Лукашэнкі маюць намер зраўняцца з Еўрасаюзам, які ўвёў сектаральныя эканамічныя абмежаванні, заявіла намеснік дзяржсакратара ЗША Вікторыя Нуланд.

"ЕС ідзе на адзін крок наперадзе, увёўшы сектаральныя санкцыі супраць беларускай эканомікі і тых сфер, ад якіх залежыць Лукашэнка. Мы паспрабуем зраўняцца ў гэтым", — сказала Нуланд падчас анлайн-семінара Амерыканскага савета па Германіі.
Яна назвала беларускага кіраўніка "бандытам". "Лукашэнка даказаў, што ён бандыт не толькі ў сваёй краіне, але і міжнароднага маштабу", — заявіла Нуланд.
Высокапастаўлены прадстаўнік амерыканскай адміністрацыі заявіла, што цяперашнія ўлады Беларусі падтрымлівае Масква, у тым ліку фінансава. ЗША ў гэты час працягваюць кансультацыі з грамадзянскай супольнасцю і прадстаўнікамі беларускай апазіцыі, сказала Нуланд.
ria.ru