«Нязгода любым законным спосабам». Каманда Віктара Бабарыкі выказала сваё бачанне рэферэндума

Каманда Віктара Бабарыкі лічыць: трэба выкарыстоўваць любую законную магчымасць для выражэння свайго меркавання на рэферэндуме па змяненні Канстытуцыі. Як гэта зрабіць? Тры простыя крокі апублікавала прэс-служба зняволенага палітыка.

«Прызначаны на 27 лютага рэферэндум — несвоечасовы, прапанаваныя дзеючай уладай змены ў Канстытуцыю не адказваюць на запыты грамадства, не дазваляюць вырашыць крызіс, які склаўся», — гаворыцца ў адмысловай заяве.

Алгарытм дзеянняў у такой сітуацыі паплечнікі Віктара Бабарыкі бачаць у наступным:

1. Прыходзім на ўчасткі менавіта 27 лютага — у дзень асноўнага галасавання;

2. Выказваем нязгоду з прапанаванымі зменамі любым прадастаўленым законам спосабам;

3. Усміхаемся адно аднаму, маем зносіны і сваімі вачыма бачым, як нас шмат.

Як выказаць сваю нязгоду законным спосабам?

«Для прыняцця змен у Канстытуцыю неабходна, каб "за" прагаласавала больш за 50 % усіх выбаршчыкаў, унесеных у спісы для галасавання, — нагадвае каманда Віктара Бабарыкі. — Менавіта колькасць "за" мае значэнне, таму для дэманстрацыі нязгоды абсалютна ўсё роўна, стаіць у бюлетэні адзнака "супраць" ці ён прызнаны несапраўдным».

«Важна! — падкрэсліваюць аўтары прапановы. — Будзьце асцярожныя ў сваіх публічных заявах і публікацыях. Дзеючы Выбарчы кодэкс наўпрост забараняе агітаваць за зрыў рэферэндуму. Улічваючы, як сёння ў Беларусі прымяняецца закон, такія дзеянні могуць быць расцэненыя дзеючай уладай як крымінальнае злачынства.

Памятайце, ваша бяспека — галоўны прыярытэт».