Івонка Сурвіла: З вялікай верай кажу вам: мы пераможам
Старшыня Рады БНР запісала відэазварот, прысвечаны героям Слуцкага збройнага чыну 1920 года і героям Беларусі 2020-га.
«У гэтым годзе да слуцкіх герояў далучыліся сотні тысяч новых герояў, якія выступілі пад бел-чырвона-белымі сцягамі, каб вызваліць свой край ад хлусні, ад гвалту і ад прыгнёту чалавекам, які здрадзіў прысязе Канстытуцыі Беларусі і гандлюе беларускім народам, як сваёю маёмасцю», — сказала Івонка Сурвіла.
Старшыня Рады БНР зазначыла, што ўвесь свет захапляецца народам Беларусі і перажывае разам з ім яго бяду і гатовыя дапамагчы.
«Дарагія суродзічы! З вялікай верай кажу вам: мы пераможам», — перакананая Івонка Сурвіла.