Забойства ў СІЗА не перашкодзіла начальніку ДВП МУС атрымаць медаль «За бездакорную службу»
У пачатку жніўня ў СІЗА № 1 загінуў мінчук Ігар Пцічкін. Яго гвалтоўная смерць не перашкодзіла кіраўніку пенітэнцыярнай сістэмы Беларусі ўсяго праз некалькі дзён пасля гэтага быць узнагароджаным прэзідэнтам высокай дзяржаўнай узнагародай.
Начальнік Дэпартамента выканання пакаранняў МУС палкоўнік Сяргей Дарошка не толькі не пазбавіўся пасады, але і быў узнагароджаны 8 жніўні медалём «За бездакорную службу» (вышэйшай) I ступені.
Год таму палкоўнік Дарошка быў узнагароджаны названым медалём II ступені. І цяпер ён з'яўляецца ўладальнікам ўсіх ступеняў медаля «За бездакорную службу», ўзнагароджанне якім праводзiцца за дзесяць, пятнаццаць і дваццаць каляндарных гадоў бездакорнай службы адпаведна.
Міністр унутраных справаў Ігар Шуневіч уручае палкоўніку Сяргею Дарошка медаль За бездакорную службу ІІ ступені
Палкоўнік Сяргей Дарошка быў прызначаны на пасаду начальніка ДВП МУС у чэрвені 2012 года. Да гэтага праходзіў службу на камандных пасадах у конвойной брыгадзе в / ч 7404 у Баранавічах і ўпраўленні корпуса аховы грамадскага парадку ўнутраных войскаў МУС.