Віртуальны Універсітэт Залатога Веку шукае выкладчыкаў

Віртуальны Універсітэт Залатога Веку запрашае выкладчыкаў для правядзення онлайн-заняткаў на другі сезон. Пачатак — лістапад.

Віртуальны ўніверсітэт мае сваёй мэтай пашырэнне доступу сталых людзей да адукацыі.
Вы можаце прапанаваць адну тэму заняткаў, якія правядзеце праз ZOOM, а можаце заявіць цэлы цыкл такіх заняткаў альбо свой тэматычны онлайн клуб.
Тэмы могуць быць самыя розныя: мастацтва, гісторыя, здароўе, адукацыя, кіно, падарожжы, псіхалогія, інфармацыйныя тэхналогіі, фінансы і г.д.
Для каго: для сталых людзей з усёй краіны, якія хочуць развівацца, атрымліваць карысныя для жыцця ў сучасным грамадстве веды.
Якія бонусы для вас: новы досвед, шчырая падзяка ад сталых студэнтаў, інфармацыя пра вас на сайце ВУЗВ і ў сацыяльных сетках.
Дасылайце свае прапановы на адрас uzv.hrodna@gmail.com (з пазнакай ВУЗВ).