У Гродне затрымалі актывіста Максіма Губарэвіча

 Дома ў яго правялі агляд.

Сёння ў Гродне на матчы па гандболе затрымалі грамадскага актывіста Максіма Губарэвіча. Мужчыну даставілі ў РАУС. Праз пэўны час Губарэвіч быў вызвалены, аднак дома ў яго правялі агляд. На дадзены момант з актывістам звязацца не ўдаецца.
Губарэвіч дапамагаў арганізоўваць у Гродне афіцыйныя святкаванні Дня Волі, фестывалю паўстанцаў Каліноўскага ў 2019 годзе, а таксама быў актыўным валанцёрам у кампаніі дапамогі медыкам у змаганні з Covid-19.
Максім носіць нашыўкі з «Пагоняй» на адзенні, імаверна гэта магло стаць нагодай для затрымання.