Праваабаронцу Насту Лойка і Данілу Кашэўскага адправілі на «суткі»

Затрыманых учора пасля суда над анархістамі Насту Лойка і Данілу Кашэўскага асудзілі да «сутак».

Сёння, 7 верасня, адбыліся суды над Настай Лойка і Данілам Кашэўскім, якія былі затрыманы ўчора пасля вынясення прысуду Марфе Рабковай і дзевяці палітвязням, паведамляюць праваабаронцы.

Суддзя Фрунзенскага раёна Мінска Андрэй Млечка прызнаў Данілу Кашэўскага вінаватым паводле артыкула 19.11 КаАП («Распаўсюджанне экстрэмісцкіх матэрыялаў») за рэпосты з тэлеграм-каналаў, якія былі прызнаны «экстрэмісцкімі». Хлопца арыштавалі на 12 сутак.

Праваабаронца Наста Лойка, пра лёс якой учора нічога не было вядома, таксама арыштавана на 15 сутак.

Хронікі рэпрэсій: Прысуды анархістам, затрыманне дыпламатаў, прысуд за артыкул у часопісе

Нагадаем, як пісаў «НЧ», учора каля Мінскага гарадскога суда адбыліся затрыманні тых, хто прыйшоў на суд над анархістамі, у тым ліку дыпламатаў. Увечары амаль усіх затрыманых адпусцілі, акрамя Насты Лойка і Данілы Кашэўскага.