На «Гродна Азоце» адбылася аварыя, пра гэта паведамілі ў ТГ-канале мясцовага страйкаму
Адміністрацыя, як звычайна, спрабуе адмаўчацца.
![photo_2021_04_04_17_11_17.jpg photo_2021_04_04_17_11_17.jpg](/img/v1/images/photo_2021_04_04_17_11_17.jpg?f=f&h=396&o=0&u=1715395350&w=528)
«Падчас зліву вадкай серы з цыстэрны адбыўся праліў агрэсіўных хімікатаў. Прыкметна дымленне прадуктаў серы! Экстрана прыбыла служба МНС. Таксама на тэрыторыі прадпрыемства заўважаныя хуткая дапамога і брыгада ВГСО.
Прыехаў і генеральны дырэктар. Работнікам цэха забаранілі распаўсюджваць інфармацыю. Вытворчы працэс пад пагрозай, цыстэрны з вадкай серай расцягвалі ў бакі.
Адміністрацыя, як звычайна, спрабуе адмаўчацца і схаваць факт ПП! Дадзеныя па шкодных выкідах не абнаўляюцца ўжо чатыры дні. На сайце наогул пазначаны нейкія незразумелыя лічбы ў даце. Сачыце за інфармацыяй, хутка нас у чарговы раз паспрабуюць падмануць», — піша канал.