Мытнікі Беларусі ведаюць пра схемы абыходу расійскага харчовага эмбарга

У Дзяржаўным мытным камітэце (ДМК) Беларусі адзначаюць ўзрослыя рызыкі, звязаныя з арганізацыяй незаконнага ўвозу санкцыйных тавараў праз беларускі ўчастак знешняй мяжы Мытнага саюза і заяўляюць пра гатоўнасць спыняць разнастайныя схемы такіх паставак. 



«Ва ўмовах забароны на ўвоз замежных харчовых тавараў з краін Еўрасаюза, ЗША і іншых дзяржаў, уведзенага РФ у жніўні 2014 года, у значнай ступені ўзраслі рызыкі, звязаныя з арганізацыяй незаконных паставак тавараў праз беларускі ўчастак знешняй мяжы Мытнага саюза», - паведамілі агенцтву «Інтэрфакс-Захад» у ДМК.

Там адзначылі, што мытнымі службамі Беларусі ва ўзаемадзеянні з ФМС РФ спынены шэраг схем дастаўкі ў Расію тавараў, якія падпадаюць пад забарону і арганізуюцца недобрасумленнымі суб’ектамі гаспадарання.

«Мытная служба Беларусі гэтыя хітрыкі ведае і спыняе. На рэгулярнай аснове ва ўзаемадзеянні з расійскімі калегамі вывучае і аналізуе з мэтай прадухілення ў далейшым іх перайначванне і выкарыстання для незаконнага ўвозу санкцыйных тавараў на тэрыторыю Мытнага саюза», — паведамілі ў ДМК.

Там адзначылі, што большасць правапарушальнікаў ўжываюць варыянт першапачаткова легальнага ўвозу такіх тавараў у Беларусь на адрас беларускіх прадпрымальнікаў, з наступнай незаконнай транспарціроўкай іх у РФ і Казахстан. Пры гэтым у працэсе транспарціроўкі гэтай прадукцыі выкарыстоўваюцца рэквізіты ілжэпрадпрымальніцкіх структур.

«Іншы схемай незаконнага ўвозу тавараў, якія падпадаюць пад санкцыі, з’яўляецца перасоўванне дадзенай катэгорыі тавараў пад выглядам прадукцыі, вырабленай у Беларусі, альбо з легалізацыяй такіх тавараў праз Калінінградскую вобласць РФ», — распавялі ў ДМК.

У прыватнасці, Ашмянскай мытняй затрыманыя тры партыі харчовых тавараў «свініны замарожанай», спробы перамясціць якую прадпрымаліся расійскімі перавозчыкамі з Калінінградскай вобласці праз Беларусь на тэрыторыю Расійскай Федэрацыі пад выглядам замарожанага ялавічнага тлушчу.

Таксама, працягнулі ў камітэце, «адзначаецца з'яўленне схем выкарыстання фіктыўных камерцыйных структур у Казахстане для легалізацыі праз іх і перавалкі забароненых тавараў у РФ».

У сувязі з гэтым у ДМК праінфармавалі, што беларускімі мытнымі органамі узмоцнены кантроль на мяжы ў мэтах спынення пазначаных і падобных ім схем, а таксама забеспячэння эфектыўнага кантролю за выкананнем устаноўленага РФ забароны на ўвоз замежных тавараў.