ІІХФ выдаліла ў Facebook пост пра наведванне Фазелем Мінска

Няма інфармацыі — няма падзеі?

Міжнародная федэрацыя хакея выдаліла ў Facebook паведамленне пра візіт свайго кіраўніка ў Мінска, паведамляе «Трыбуна».

Раней пост выглядаў наступным чынам.

Адзначым, што спачатку ІІХФ закрыла каментары ў інстаграме з-за масавай негатыўнай рэакцыі на прыезд Рэнэ Фазэля ў Мінск. Карыстальнікі інстаграма закідалі пасты ў афіцыйным профілі Міжнароднай федэрацыі хакея каментарамі ў стылі “чаму вы не публікуеце фота, як ваш Рэнэ абдымаецца з забойцам Лукашэнкам?” Многія пісалі хэштэгі #dontplaywithdictator і # standwithbelarus. ІІХФ спачатку проста выдаляла такія каментары, а затым цалкам адключыла функцыю каментавання сваіх пастоў.