Дзмітрыеў і Чэрачань абскардзяць у ЦВК вынікі выбараў

Андрэй Дзмітрыеў і Сяргей Чэрачэнь збіраюцца падаць скаргі ў Цэнтрвыбаркам, бо незгодныя з вынікамі прэзідэнцкіх выбараў.

Андрэй Дзмітрыеў, архіўнае фота
"Калі паспеем, сёння пададзім скаргу ў Цэнтрвыбаркам. Яе сутнасць — татальная фальсіфікацыя падліку галасоў і парушэнні заканадаўства аб выбарах", — сказаў Дзмітрыеў агенцтву interfax.by.
Ён таксама паведаміў, што раней назіральнікі яго выбарчага штаба накіравалі шэраг скаргаў у пракуратуру і ЦВК.
Пры гэтым новую скаргу ён падае асабіста ад сябе.
У прэс-служе Чэрачня паведамілі, што ён таксама збіраецца падаць скаргу ад сябе асабіста ў ЦВК. Яе сутнасць — шматлікія парушэнні і фальсіфікацыі.